برانز، چه اێرانی سیمسران نشتگێن بلۆچانی نێمَگا یک همدستێن جُهدے که چه اَنرِپریزنتِد نئیشَنز اِند پیپلز آرگنایزئیشنئے نێمَگا کُمَک کنگ بئیگا اِنت.
بلۆچیا، برانزئے مانا «رۆچئے شَهم» اِنت. بلۆچانی اے جُنز و اے تاکئے پُشتا مستِرێن اُمێت هم همِش اِنت.
مرۆچی، اێران و اے دگه جهانا بلۆچئے بارئوا رَدپَهمی باز اِنت. اے تاک همُک ماه، چه بلۆچانی نێمَگا اَنچێن نبشته شِنگَ کنت که اِشانی تها اێرانی سیمسَران جَهمِنندێن بلۆچ وتا گۆن اێرانا نشتگێن مردمان و گۆن جهانا هم پَجّارێنَنت و گۆن افغانستان و پاکستانا جهمنندێن بلۆچان هم. اے نبشتانک چاگِردی، دۆدمانی و لَبزانکی و دگه بازێن بُنگَپّانی سَرا بنت،.
رۆچی، اێرانا بلۆچی زبان لگَتمال اِنت، کارمَرز بئیگا نه‌اِنت و تُرس همِش اِنت که گارَ بیت. برانز، گۆن اوپسالا یونیورسٹیئے بلۆچی لئینگوِج پرۆجِکٹئے همکاریا،اێرانا نشتگێن بلۆچان اے سِکێنا دئیگَ لۆٹیت که وتی زُبانا کارمَرز بکننت، نبشته بکننت، بوانَنت و په وتی زُبانا پَهر بِبَندنت. همینکَس که اے تاکئے کار دێما رئوانَ کننت، مئے جُهد همِشَ بیت که گێشا گێش وسایل په اے کارا نَزّ آران بکنێن که په بلۆچان وتی زبانا وانَگ و نبشته کنگ اَرزانتِر کنگ ببیت.