نگار ملَکی نوجانا اھوالکارے جُست ئِے کنت کہ تو بلوچستانءَزالبولانی جاورءَچوں چارئے یک زالبول ایکٹیوسٹےءِچمّءَ.
آ گُشیت " اگاں ما گوستانکءَبچاریں گڈا نوک آبادیاتءَپیسر بلوچ مردین آدم گوں وتی ربیدگ،کردار ءُ ستکءَگوں سک ھم سنگ بوتگ انتءُ زالبولءِیک بلائیں مُکامے بوتگ۔زبانی گوستانک کہ اے ھندانی گوستانک انت پہ زالبولاں ہما وڑیں یک ھیسیتے بوتگ ءُ آ بادشاہءُھاکمانی آمیدگساں،مشورہ سازی ءُ ہمک کار ءَ گون بُوتگ انت اے چیز آ دگے راجانی تہا کم گندگءَاتکگ."
آ دیمترءَگُشیت " بلوچ چاگردءِتہا جنک پاکءُرھمتءِنشانی زانگ بُوتگ انت ایندگہ راجانی تہا زالبول گنہگار ءُ ناپاک چارگ بوتگ انت بلئے بلوچءِکرّءَچوش نہ بُوتگ اگاں ما گوستانکءَبچاریں ام مارءَہمے چیز گندگءَکئیت۔اسلامءِتاریخءَپیش بلوچانی وتی یک ہزاراں سالانی گوستانکے ءُ نیکراھیءَابید بلوچاں وتی بنّکی ربیدگ رکیّنتگ انت اگاں جاگہے گسی یا نسلی جیڑھے کئیت آ جُست کن انت شرعی رنگءَپیسلہ کن اِنت یا بلوچی روایتانی بنیاتءَ اے چیز بلوچ دود ربیدگءِزیبائیءُمزن شانیءَپیش داریت. "
بلوچ زالبوالانی سرءَ زُلمءِبابتءَآ گُشیت " اگاں ما اے زلمءَچارءُتپّاس بکنیں گڈا گیشتر زُلم چہ کالونائزیشنءَرند اتکگ اَنت ءُ اولی ننگءُناموسءِ سرءَ ھکمران دادشاہ ءَ کُتگ وتی جنین ئِے کُشتگ شکّءِبنیاتءَ ءُ مُلائی دور ءُ مذہبی گیشیءِسوبءَماں بلوچستانءِچاگردءَ ما زالبولاں زُلمءِآماچ گندگءَاِنت. "
اے دورءَنہ تہنا مردم مالءُمڈّی ءِ ھسابءَنزور بُوتگ اَنت بلکیں درامدیں ربیدگ ام مھکم کنگ بُوتگ اَنت ءُ ھواریءَایشاں زلم ءِ سرءَگیشی آؤرتگ لبز" ننگءَ ءِ نامءَکہ پدر شاہی ھکومتاں ادءَ آؤرتگ سرجمیں بلوچ گوستانکءِتہا.
آ ایشانءَیک ردءُبندیں نیزگاریءِسوب گوّشیت کہ زالبولانی سرءَھمروچی ئیں زُلم ءُ زوراکی بوگءَاَنت چیاکہ بلوچ مردین ذہنی نادراہیءِآماچ،کسانیءَسُور ءُ مرد کُشگ بنت پمیشکہ سرجمیں ذمہ واری بلوچ زالانی سرءَ کئیت.
نوجانءَاھوالکارےءِپسّوءَآ گوْشیت " یک زالبول توار چست کنوکےءِبستارءَچونیں گامگیج زورگ بہ بنت کہ راجدپتری سما دارگ بہ بیت ءُ انّوگیں جاورھال ءُ ردءُبندیں زوراکی چوں بنت زالبولانی سرءَ ؟ آ گوْشیت،" بازیں گامگیج زُورگ بُوتگ انت ءُ ما جہد کنگءَایں کہ ما زالبولانی آواز جوڑ بہ بئیں ءُ دگنیاءِچمّاں ادءِزوراکیانی سرءَ بیاریں کہ ادءَبوگءَ اَنت ءُ زالبول چہ وانگءُ زانتءَزبھر اَنت.
مئے گورا انگت یک کمّی یے است سرءُسوج ءِ چیا کہ رکیّنگءِجیڑہءُجنجال اَست اَنت یک مزنیں وجہ ئے گینگ ریپ اَنت کہ جنکّاں چاگردی کارانی تہا پُشتءَدار اَنت بلئے گیشتر وانگی ردءَ.
ھمدلین بنکان گَل ءِ کارانی بابتءَگْوشیت " مئے مکسد ہمیش انت ما سیاسی زانت ءُ بنّکی جیڑھانی بابتءَسرپدی بہ دیں چیاکہ جیڑھانی جِند وت ایشانی گیشواری اِنت " مئے مردم زالبولاں یک شرّیں راھے دات کن اَنت کہ بلوچ زالبول ھواریءَجہد بکن اَنت ءُ اے زلمءُزوراکیءِھلاپ بوشت اَنت. "
آ دیمترءَگْوْشیت "اے راستی ءِ کہ بلوچستانءِکرائم ریٹ چہ ایندگہ جاھاں کمتر اِنت کجام ام پڑءَ بہ بیت بلئے مارا شیوار بوگی انت کہ جاور یک ھسابءَنہ بنت ءُ ہمے وڑا اگاں نسلی تپاوت بندات بہ بیت گڈا زلم ءُ زواراکی گیش بیت ایشی یے مستریں سوب پدرشاہی نظام انت کہ چاگردءَبندیگ کنگءَ اِنت."
"اے راستی یے ءُ جاورانی نگیگی یے بابتءَبلوچستانءَکمّو شریں چمّےءَچارگی اِنت " نگار ملکی اے جُستءِپسّوءَگوْشیت کہ پرچا بلوچستانءِوڑیں جاگہےءَگل جوڑ کنگ نہ بُوتگ انت۔ہمے ردءَ ھکومتءَمدام آواز چِست کنگ نیشتگ ءُ مردمانی دلءِتہا تُرست پیداک کتگ دانکہ آ جہد مہ کن اَنت ءُ وتی کاراں شریں رنگے دات کُت مکن انت آ ھکّءُمُز بلوچ ءُ بلوچ زالبولانی ام بُوت کن اَنت "یا مردم تُرسینگ بنت یا نیکراھی ءِ نامءِسرءَبیھار دیگ بنت. "
آ گْوشیت " ہمک لیکہ ءُ زرمبشتءَیک ہراب لیکگ ھلاپیں مردمانی دلءِتہا یک بد دلی یے کاریت ءُ " بھرءُبانگی " جاورے ودی بیت ءُ ہمے واستہ مردمانی سیاسی سما سک پشتءَانت ایشی یے سوب ہما بنکّی آسراتیانی نہ بوگ انت ءُ اے زرمبشت انگت جوانیں وڑےءَٹھینگ نہ بُوتگ انت.
گڈسرءَنگار ملکی گوْشیت یکّیں راہ انت بلوچ چاگرد نوکءُشر کنگی انت ۔ اگاں مئے مردمانی کرّا زانتءِکمّی انت بلئے آ اے نیزگاری ءُ زلمءَمارگءَ اَنت کہ سرجمیں بلوچ راج ءُ بلوچ زالبول دیمپان انت ءُ زالبولءِکرد مستر بُوت کنت.
توَسُت Endofmonoling
