نبشتکار: سرفراز سرور
ھانی ءُ شۓمُرید ءِ مہری داستان چو شہری رنگ ءَ بلوچ روایت ءَ است۔ اے کِسّہ پہ بلوچستان ءَ و رومیو ءُ جولیٹ پہ مغرب ءَ یک مٹ انت۔ اے کِسّہ بلوچ بامردانی زند ءُ آیانی جزبگ ءُ فلسفی ھیال ءَ پیشداریت۔
کِسّہ ئے تہا دوئیں کردار، ھانی ءُ شۓمرید، یک راستیں و پُر دردیں مہرے رنگ ءَ پیش کن انت۔
اے کِسّہ چے 15 قرن ءَ بیت چش کہ آ زمانگ بلوچستان ءِ تہا جونیں اھد ے زانگ بیت ءُ بلوچ گْوَستانکی لبزانک ہمے اھدا شرو بیت۔ شۓ مرید کاہری کول ءِ کماش شۓمبارک ءِ زھگ انت ۔ شۓمرید زھم، اپس گوازی ءُ تیر جنگ سک بلد بیت ہمے هاترا شۓ مرید میر چاکر ھان ءِ فوج ءِ تہا مزنیں اُگدا ائے سرا کنگ بیت۔ میر چاکر کاہری کول ءِ کماش بیت۔ شۓ مُریدی کمان چہ سیم ءَ بنائینگ بیت ءُ آ انچو گران بیت کہ آئی ءَ چے ابید دگہ کس آئی ءِ سرا تیر جت نہ کنت-
ھانی میر مَنْدو ءِ جنک بیت۔ ھانی سکیں وفادار ءُ مہروان ءِ جنین ءِ ات۔ ھر کس ءَ ھانی چہ آئی شرئیں کردار ءَ چے زانتگ ات۔ ھانی شۓمرید ءِ دِشّتار بیت ءُ اے دوئیں کسانی ءَ چے دوست بوتگ انت۔
یک روچ اے شۓمرید ءُ میر چاکر چہ شکار ءَ پیداک ات انت وتی دِشّتارانی علاقہ ءَ دار انت۔ ارادہ کن انت کہ یکے دومی ءِ دِشّتار ءَ گِندئیں۔ شے مرید میر چاکر ءِ دِشّتار ءِ لوگ ءَ شُت آپ ءِ ورگ ءَ۔ چاکر ءِ دِشّتار ءَ تاس ءِ آپ آورت ءُ شۓمرید ءَ وارت کہ سک تنیگ ات، آپ ورگ ءَ پد هالی ھراب بیت۔ دومی نیمگ چاکر ھانی کہرا شت۔ ھانی آپ آورت ءُ آپانی تہا مچھ اے تاک اے کسانیں چُنڈ ءِ مان کت، چاکر ھیران بوت اے چے انت کہ آپ ءَ مان انت بلے وش وش ءَ وارت ات۔ وھدے چاکر شت کہ دیستی کہ شۓمرید شانگ ءَ انت ۔ شۓمرید گوَشت کہ من باز آپ وارتگ گوں ھالئیں لاپ ءَ ۔ نوں چاکر ءَ زانت کہ ھانی سَکّ زانتکاری ءِ کتگ کہ تاک ءِ چنڈ ءِ مان کتگ۔.
لہتیں وہدا رند چاکر ءَ دیوان ءِ اڈ کت کہ اودا شِئر ءُ شائری بوت پدا ہمے شپ ءَ میر چاکر ءَ گوَشت کہ بِیا شَرت جنیں، چاراں باریں کئے وتی شرت ءِ سرا اوشتی۔ ہر کماشے ءَ وتی شرت ائیر کت۔ میر جاڈو ءَ گوشت کہ ھر کس منی ریشاں دست جنت گڑا من آئی ءِ سرا گُڈاں۔ میر ھیبتان ءَ گوَشت کہ ہر کسی اوشتر منی بَگّ لوڈ بیت گڑا من ودبر ئے نہ دیاں۔ شۓمُرید، کہ آئیا ھانی سکّ دوست بوتگ ات، شرت ءِ بست کہ ھر کس آئی کہرا چیزی بلوٹیت آ آئیا دنت۔
گڑا چاکر ءَ ھانی لوٹ ات چہ شۓمرید ءَ پہ سیر ءُ سانگ ءَ- مرید وتی شرت ءِ سرا اُوشتات ءُ ھانی ای دات چاکر ءَ ۔
چاکر سانگ کت بلے گوں ھانی ءَ آئیے رضا دَن آئیے نزّێک نہ شُت۔ ھر وھدا چاکر ءَ ھانی دیستگ ات گڑا ہُشک ترّت ءُ مارت ای کہ ھانی ھچبر منی نبیت۔ ہمے وڑا شۓمرید وھدے دوبر اتک گڑا چاکر ھانی ءَ گوشت کہ شۓمرید میریں مردم اِنت ءُ ھانی ءَ کرزیت۔ چاکر ھانی ءِ سئون دات و ھانی اے آجو کت۔
ھانی ءَ شۓمرید کدی بےھال نہ کتگ ات ءُ شۓمرید ءِ کہرا شت ءُ گوَشتی کہ چاکر ءَ وتی ردّی مارتگ ءُ من ءَ آزاتی کتگ، نو من ءُ تئو ھور بئیں، بلے شۓمرید ءَ گوَشت کہ من نوں انچیں جائےءَ سر ءَ که نوں من دوبر اتک نہ کن ءَ۔ آئی ءَ ھانی یل کت۔
دومی روچاں، شۓمرید وتی پِت ءِ بگ ءَ چے اسپیتیں اوشتری زرت ءُ سوار بوت ءُ شت ابدمان بوت۔ بلوچ اے گپ ءَ منّ انت کہ شۓمرید است انت تا اے جہان است۔
ڈیلی ٹائیمز، 8 مارچ 2019