محسن رنانی
ماتی زبان یک راھے پہ چاگردی ردومءَ،ایشیءِتباھی چاگردی تباھی انت۔ما ہمے جیڑیں کہ در فارسی آنی فارسی گپ جنئگءَ ما چاگردی نزّیکی ودی کتگ بلئے اے چیزءَرا ہچ وڑیں سیادی نیست۔
زبانءِزور آرگءُسرءَدور دیگ یکّےءِتہا اندری گھگیریءِودی کنت ءُ وھدءَگوں آ اے بیر گرگءِبابتءَجیڑیت۔ایرانءَانّوگیں وانگی راھبند چہ اولی سالءِبنّکی وانگءَزھگءِوتی ھستیں بودناکیءَھلاس کنت۔ ہمے وھدءَکہ زھگءِبودناکی ءُ جند زانتی ردوم توانا بہ بیت ءُ ھالءُاھوال شر بہ بیت ءُ آوانی چاگردی بودشت ءِگیشی یے زلورت انت ءُ ہمے دمانءَآوانی درستیں آٹیگ ھلاسءُتباہ کنگ بوھگءَانت دوازدہ سالءِعمرءَ آ ورناھاں سائنسی سرپدیءِانبارے دنت بلئے ہما سرءُسوج پہ انسانءِچاگردءَالّمی انت آواں نہ دنت۔بد بھتی ءَ اے تباھی ءِکار گوں در فارسی گپ جنوکاں بوگءَماں ایرانءِتہا۔
ہمے عمر انسانءَگڈّی موہ رسیت کہ آ وتی ہستانکی،جند زانتیءُ بنیادمی لوٹءُروشتانی سرءَکار بکنت بلئے اے سئے بیالوجیکل زورناکی گند انت وتی زندگیءِتہا۔اولی وانگجاہءِتہا بوگ ءُ یک مزنیں ٹکّےءِبہر ببو چہ کٹم ءَڈن،دومی ماتی زبانءَچہ دُور یک زبانےءِہیل کنگ کہ آوانءَہچ تجربت نیست۔
سیمی یک رسمی سائنسی وانگےءِتہا روگ۔ایشیءِمتلب ایش انت زھگءَرا یک مزنیں چاگردےءِتہا روگی اِنت،ماتی زبانءَچہ در فارسی ھیل کنگی اِنت ءُ ہمیشیءِتہا در بہ بارتءُکارمرز ئِے بہ کنت۔ آیا ما زاننت ما چونیں درسی سان دور دیگءَانت وتی گلزمینءِگونڈوانی سرءَ ءُ چونیں تاوان رسنت آوانی ھستانکی،زند وانگیءُچاگردی بودناکیانی سرءَ۔ماتی زبانءِدور کنگءِمولءُمراد ہمیش انت بزاں تو زھگءِمارشتی سیادی ءَبُرّگءَئے گوں چاگردءَ ءُ زھگءِمارشتءُاھساساں بندیگ کنگءَئے ءُ آوانی جیڑگیءُمارگی بنیاتءَاوشتءِآماچ کنگءَئے۔
انچو کہ انسانءِھسّی کنگ غیر اھلاکی انت،ہمے وڑءَمردمےءِماتی زبانءِدور کنگءُدومی زبانےءُزور گبّارگ ام غیر اھلاکیءُ زانشتی ھسّی کنگءِنام اِنت۔ہژدری وانگ بیدءماتی ماتی زبانءَماتءُچّکءِنیامءَسیادیءَسندیت وانگءِتہا،ءُ مات یک نیمگ کنگ بیت ردومءِبھرءِتہا کہ آ زھگءَبنیاتءُمارگاں آٹیگ مان کنت اے وھد زوریت ءُ بازیں تبزانتی نہادءُموہ ندر کنگی انت کہ وتی ردومءَودی بکنءُپھمگءَجوان بکن اَنت۔
زبان مئے بنیاتی پھمگءِمانزمان انت ۔زبانی اڑاند پہ زھگءِردومءَتاوانے ءُ آوانی انسانی لوٹانی پادمالی انت۔ہپتاد سالءِتہا ما گیش زبانی زوراکی کتگ چہ پیسری وھدءَ۔اے چہ راجکاری زوراکیءَگیش ترسناک انت ما آوانی سرءَکنگءَاِنت۔
ردوم زورگءَجوان کنگءِواستہ مئے گورا دگے راہ نیست دانکہ دمگی زبان آرگ مہ بنت۔اے نوکیں گپےّ نہ انت سوئزرلینڈءَسئے سرکاری زبان انت ءُ یکّیں وھدءَزرباری افریقہءَیانزدہ سرکاری زبان انت
اے گشت کنیں مئے ملکی راھبندءِردءَتہنا فارسی مئے سرکاری زبان انت ءُ بدلی اے ردءَراھبندی بدلیءِنیمگءَروت۔بلئے راھبندءِ آرٹیکل پانزدہ ءِردءَلبزانک ماں دمگیءُنسلی زبانءَماں وانگجاھاں واننیگ بہ بیت"Second Conference on the Development of Educational Justices" ءِاڈ دئوکاں ہمے سلہ داتگ ات کہ دو زبانی صوبہ آں وانگجاہ گرگ بنت۔اے شرّیں کارے،ھکومتءِزرّی جیڑھاں ھوار، انّوں چے بندات بہ بیت بکئے انگت اے کارءِہچ امیت گندگ بوگءَنہ اِنت۔یک واھشت داریں ءُ نہ بوؤکیں کارے۔
وانگجانی بنیاتی نکانءُکمک مزنیں ھدّےءَجہدے لوٹیت ءُ ادارہ اے کارءَشرّیءَگوں کُت کن انت بلئے آسرال گندگ نہ بوگءَانت اگاں اسلامی دؤلتءِھکومت دیمروی دیگءَسوگو اِبت گڈءَ آ بنیاتی وانگءِدیمرویءَچہ بندات بکنت دیمءِسالءَ۔انّون درستیں آباتی بنیاتی وانگجاہءِواھگ دار اِنت۔ہژدری گام اے ردءَ مارءَزورگی انت گڈءَ آ Instruction oriented(سوجکاریءِبندوک)ءَچہ Nurturing oriented بزانکہ تربیتءِنیمگءَبروت۔ مارءَاے منّگی انت نہ بنیاتی وانگ ءِسال دربرگءِسال اَنت ءُ سوج اے ردءَمزنیں کساسےءَبہ بنت۔ اے کار یک سالےءَنہ بنت اگاں وانگءِوزیرءُگزیر اے کار ءَ کنگ لوٹ انت گڈءَشش سالءَاے کار بُوت کنت۔ہمک سالءَاے دوئیں کار راھبندانی سرءَجوانیءَگوں کار بُوت کنت۔اے گرانبھائیں ءُ مشکلیں کارے ءُ یکشلءَسرجمیں ملکءَبوت نہ کنت۔
اے زرمبشتءُکار بازیں دو زبانی صوبہ آں سال یا دو سالءِکم کمءَسرءُسوجءَگوں بنتءُ آ دگے صوبہ آں ام برگ ملکءِ اے مٹءُبدلی وانگءَگوں بندوکیءَچہ سوج دیگءِنیمگءَ بازیں موہ کاریت پہ دو زبانی صوبہ آں ہما کار کہ گوں وانگءَبندوک انت ءُ اے درستیں مراگش ماں جندءِزبانءَاڈ دیگ بہ بنت
دو زبانی صوبہ آں بنداتی سئے سالءِتہا اے شرتر بیت کہ آوانی ردوم گوں جند زانتیءُبیالوجیکل بودناکیانی بنیاتءَبہ بنت دانکہ آوانی ھال ءُ اھوالءُچاگردی بودناکی گیش بہ بنت
اے وھدءِتہا آ لبزانکءُدودءُربیدگءَھیل کن انت وتی ماتی زبانءُ وتی اندری سماءَسر بوت کن انت۔چارمی سالءَچہ فارسی وانینگ کم کمءَبندات بہ بیت ءُ فارسیءَونت ءُ نبشتہ کُت بکن انت ءُ مزن وانگجاہءَسربوگءَچہ آ سائنسی وانگءَماں فارسیءَدر بہ برَ انت پہ من ہژدریں گپ ایش انت ھکومت وانگی دیمروی ءِ نامءَانچو سما بیت کہ کیدیءُلس آباتی کنگ بنت۔
اے دوئیں درورانی تہا جند زانتی،ننگ ءُ انسانی اگبال مزنیں آباتیءِدیمءَبے جوہر بیت۔
بدبھتیءَ گوستگیں سی سالءِتہا مئے ھکومتءِہچ وڑیں جوانیں کارے نیست اے دوئیں کارانی تیا۔مئے گورءَوھد نیست ءُ وھد ہمیش انت کہ اے نا انساپی ھلاس بہ بیت ایران بازیں ربیدگانی،زبان،رنگءُنسل ،نیکراھیءِ جتائیں درینءِرنگاں جوڑ بوتگیں زمینے۔
یک رنگےءِکشّگ ام ایرانءِاسیلیں بندیکےءِکشّگ انت چہ درینءَ۔مئے درین اے درستیں رنگءُآوانی ہست بوگءَدارگ بیت۔ اے رنگ زندگ بات انت مئے ایرانی درین زنگ بات