نبشتانک: لاله نایاب
لاله نایب کہ یک زُبان زانتے (چہ سویڈنءَ ) ماتی زُبانءِ ھلاس کنگ ءِ رد ءَ گوشیت کہ پارسی گپ جنوکیں مات ءُ پِتانی وتی ماتیں زُبان ءِ نہ وانینگ ءِ ردا ھچ وڈیں سائنسی بنیاد نیست۔
مات ءُ پِتانی وتی لیکہ است انت کہ وتی زاھگان ءَ ماتی زُبان نہ وانیں انت۔ حقیقت ءَ اے گوَشنت کہ اے وڈ کنگ ءَ چے چُک شرتِر سرکاری زُبان ءَ سِک انت بلے اے وڈا زھگانی زہانت سَک کم بیت ءُ اے یک سکیں بلاھیں دھوکئے اے گوں جِندے ذات ءِ گوما۔ زھگان ءَ ماتی زُبان ءِ نہ وانینگ ءِ لہتیں سوب است انت، آ چو اے وڈا انت:
- وانگ ءِ تہا ماتی زُبان ءِ ارزشت ءَ گوں نہ بلدی ۔
- ماتی زُبان ءِ وانینگ ءِ سنچ نہ بوھگ۔
- او اے گپ ءِ منّگ کہ چاگرد ءِ تہا زہگانی واستہ سرکاری زُبان ءِ گپ جنگ شرتِر انت ءُ ماتی زُبان نہ لوٹیت۔
- چاگِرد ءِ زور ھمے مردُمانی سرا، پہ درور ، نسل پرستی ءُ ھا دیگے زُبان ءُ گالواراں جہل لیکگ۔
- وتی زُبان ءَ دنیا ءِ تہا شَر لیکگ ءُ چُکاناں زُبان ءِ وانگ ءَ وہد نہ دیگ۔
- ھمے گپ ءِ منّگ کہ زھگ بِلے کمو پارسی زان انت دانکے وتی سیاد ءُ وارساں گوں گپ بکن انت۔
بد قسمتی ءَ گوں، بُرزا داتگیں دُراھیں گپ بےبنیاد انت، مات ءُ پت وت چُکانی نفسیاتی رودُم ءَ دراگہ انت، کم چہ کم اگاں ماتی زُبان ءَ بوان انت گڈاں دو زُبان گپ جت کن انت، لیول زُبان زانتی ءُ نفسیاتی رنگ ءَ اگاں بچاریں گُڈاں ھما چُک کہ دو زُبان گپ جنْت آہانئ IQ لیول گیشتر بیت در کدے ھما گوانڈواں کہ ھا یک زُبان ءِ ھبر کن انت چائے ھا زُبان ءِ وانگ ءَ رند بُنگیج بکن انت بلے انگت شَرتِر ھبر کُت کن انت۔
پَرچہ ماتی زُبان زھگاناں شَریں ڈئولا وانینگ بیبیت؟
- ماتی زُبان اولی زُبان انت کہ آئی ءَ مات ءُ پِت شَر زان انت ءُ آ وتی چُکاناں جوانیں رنگے ءَ زُبان ءِ رد ءُ بنداں وانینت کن انت۔
- وھدے گونڈوئے دگہ زُبانے وانیت گُڈاں باز جیڑائے دیمپان بیت، چوکہ رَد ءُ بند ءُ زمانگانی زانگ۔ وتی ماتی زُبان ءِ وانینگ ءَ چے رند گوانڈو شرتر دومی زبان در بارت، ھمے وڈا زھگ ءِ واست ءَ ارزانی بیت کہ وتی زُبان ءِ بُنُکّی رد ءُ بند سَرپد ببیت۔
- اولی زبان ءِ سِکگ ءَ چے چُک ءِ واست ءَ یک بُنزا ہءِ جوڈ بیت ءُ ھمے بُنزاہ چُک ءَ دگہ بازیں گالانی دربَرگ ءَ مَدت کنت۔
- ہمے وڑا کہ چُکے دو زُبان زانتے بیت ءُ دو زُبان زانتیں مَردم زہنی رِد ءَ سک تیز بیت ءُ چاگردی رد ءَ ھم.