چالس بودلر
رجانکار: هسا بجار
سکیں مینیں زمینے ، چہ کرم ءَ پُرّ بہ بیت
من لوٹاں ، دست ء وت بہ کوچاں پہ وت ءَ یک جُهل ءُ پراهیں کبرے
اُود ءَ تچک بکناں وتی دمرتگیں هڈاں ، ایمنی بہ وپساں
چہ وت ءَ بے هال ، پُرتاهیریں مرگے ءِ واب ءَ بہ وپساں چُش کہ پاگاسے ماں زر ءَ
من نہ لوٹاں ، وسیت ءُ اهدنامہ ءُ کبر
چہ دگنیا ءَ ارس ءِ پنڈگ ءُ زندگ بوگ
من لوٹاں کہ گُراگاں بُگشاں آ بیا انت
منی بدتگیں هوناں چہ منی سر ءِ کامپول ءُ بالاد ءَ بہ پرنچ انت
او لیلوکاں ! کور ءُ کرءُ سیاهیں همراهاں
بچار ات یک آجو ءُ وشهالیں مردگیں مردمے ، شمئے دیم ءَ پیداک انت !
نپسی ئیں شهزانتاں ، چہ کار ءَ کپتگیں مهلوک
ے بزگی بہ چُنڈ ات منی زیان بوتگیں بالاد ءَ
ءُ بُگش ات من ءَ دگہ چونیں ڈک ، پشت کپتگ انگت ءَ
پہ منی اے بے ساهیں جون ءَ کہ مردگاں شمار انت
