وھدے من ٹرانسجینڈریں زالبولاں گپ ءَ گنداں گڈا من مجگ بُج بیت.
من ھیران باں اگاں من ءَ چوشیں زھگے بوتیں گڈا من چے کُت ؟ من آئی ءَ را چہ بدیں چمّاں چیر دات کت یا وتی کٹم، مات ءُ پت ءُ ایندگراں چیاکہ بُوت کنت آواں بگوْشتیں من ایشاں لوگ ءَ مئیل اَنت۔ الّم اے پہ آئی ءَ یک شرم ءِ گپّے بُوت ءُ آئی ءَ وتی جند ءِ سر ءَ هم زہر اتک من اگاں آئی ءَ را تبیب ءِ گورا برُتیں من چے کُت؟ .
نادراہ مردینے یا جنینے، جنیانی وارڈ ءَ بہ بیت یا مردینانی یا من آئی ءَ را بے وانگ بہ کرتیں، ایوک ءُ نزور بوتیں ءُ پد ءَ من بگوشتیں من ءَ شپ ءِ نیم ءَ بہ گند گڈا کس ءَ نہ زانت کہ من یک جاتوۓ پیداک کتگ نئیکہ مردینے نہ جنینے یا من بے آئی ءِ زانگ ءَ آئی ءَ را مردینی هارمونز بہ داتیں ءُ شیرانی تہ ءَ مان کُتیں۔ ءُ زور آئی ءِ جان ءَ را ردوم بہ پرماتیں ءُ زور دیم ءِ سر ءَ ریش بْیاؤرتیں؟ ہما کار بکتیں کہ تہنا چاگرد ءِ وڑا اَت ءُ زور ابرم ءِ داتگیں سوگات پہ چاگرد ءَ بدل کتیں ؟ .
آئی ءَ الم پسوّ لوٹ ات ءُ من نزّءَ من آئی ءَ را آمیدگس ءِ دپ ءَ اوشتگ ءَ گندگ ءَ آں ءُ من ءَ جُست کنگ ءَ انت:
من وت ءَ وت جوڑ کتگ من چیا لجّیگ بوگ ءَ آں گوں من چیا چو کنگائِے پمن زندگی چیا نیست۔وانگ، لیب ءُ گوازی، سنگت ءُ دزگہار ایندگہ انسانانی وڑا نیست انت من ءَ اے ھک نیست ءُ من ءَ وتی جند بوگ ءِ ھک نیست زاناں؟ .
مردمانی رد ءَ من ہچ گندگ ءَ نیاں ءُ من ءَ انچو دور دئیگ ءَ آں ءُ تہنا چاگرد ءِ جوڑ کتگیں چماں چارگ ءَ آں۔ کھبگے بباں ءُ وڑ وڑیں بیماریانی آماچ بباں، یک نشہ ئی ءُ شرابی ئِے بباں۔آوانی ہمے لیکہ انت کہ من روزگار شوہاز ات نہ کن آں من ءَ مردم کار ءَ نہ دار انت ءُ من ءَ وتی جان بہا کنگی انت ءُ بے شْرَپ بوگی انت. اے چیز ءَ شما جیڑ ات کن ئِے کہ مردم منی گُلّاں چُک انت ءُ انچیں کار گوں دنتان ءَ پرما انت کہ گوں من نہ بنت ءُ گوں بیماریں دپ ءَ من ءَ چے چے پرما انت۔ منی مات گڈا من بید ء شراب ءَ دگے چے کُرت کناں من وت ءَ چوں لجّ ءَ رکّ ات کناں.
من ءَ یک نادرارھیں گُہارے است آئی ءَ وتی سیکس بدل کنگ ءِ واستہ سرجری کنگی ات ءُ آ مرگ ءِ آماچ بوت ءُ من ءَ یک پجّار کارڈے دیگ بُوتگ کہ من سیکس ایکس انت من ءَ کھول نیست من وتی گرو ءِ برکت ءَ زندگاں من لوگ ءُ جاگہ وتی کت نہ کناں منی کھول بہ دنت ام کت نہ کناں اے آوانی زندگی ءَ ہراب کنت .
یکے چوں اے زلم ءِ آماچ بیت؟ سیمی سیکس والاہاں ما چوں وتی زند ءِ بھر جوڑ کُت کنیں مارا درستان ءَ شْرَپ، ننگ ءُ وشیں زندءِ ھکّ است.
توَسُت zubeidamustafa.com