گوَشتَ کنین که چه ڈَنّی زبانان لبزانکی رجانک مان بلوچ ءَ نبئیگ ءِ هساب ءَ اِنت. کهنین کسه "دو پَس/بُز" کریم بلوچ ءِ یک کۆشستے که ڈَنّی لبزانکا بلوچ استمان ءِ نیام ءَ بپَجّارینیت.
ترینوک: کریم بلوچ
مَـزَن و پُر آپيں جوگے ءِ بـُـرزَگ ءَ ، دارے اير ات . دو گـَـٹوريں شِـنِك هم همے دار ءِ سرا چه دوئيں نيمگاں ڈِيك وارت .
هچ كـُجام نه لوٹ ات كه پَد كِنزِيت و آدگر ءَ ، رَوَگ ءِ اجازت و موه به دَنت .
دوئيں جنگ بوت انت و مِڑ اتنت ، يك و دگر ءَ كانٹ جناں بيت انت . هَو ، آهر ءَ هر دوئيں لـَـگـُشت انت و آپ ءَ كـَـپت انت .
همی ڈولا یک دیگے واهدی، ماں بُرزيں كـُه بندے ءِ تَلاراں ، باز بارگيں راهے هست ات كه يك نيمگے ءَ ديواليں گـَـٹ و تلار اوشتاتگ و جـِكِتـَـگ اتنت و دومی نيمگ ءَ جُهلِـيں دِرّ و دور بُنيں گـَر اتنت.
دو پَس/بُز ، همے راه ءَ گوں يك و دگر ءَ دو ديم بيت انت و ڈِيك اش وارت . يك نيمگے ءَ شَتكيں و تراشتگيں تَلار كوه ءِ ديوال و دگه نيمگے ءَ جُـهليں دِرّ اتنت.
اے راه ءَ بـِر گردگ هم نه بيت و يكے ءَ چه گيش گوئست هم نه كنت ؛ چون كـَت كن انت و چے به كن انت ؟
آهر ءَ يكيں گتاچ وَپت و ڈگار ءَ وتا را لـَچـِينت ، و دومی باز په نرمی و دلگوش ءَ ، چه وَپتگيں گتاچ ءِ سر برا گوئست و هر دوئيں رَكـّت انت .