بلۆچی رجانک:نبیل ارمان
سلام ھر ھما معزوریں زھگاں ءُ آیانی مات ءُ پت ءَ , من آیاں باز شاباشی دئیاں، اول سرا آیانی سبر ءَ کہ اے جاورانی مُشکلاتاں برداشت کنگ ءَ انت ءُ دومی آیانی دوستی پہ وتی معزوریں زھگاں کہ آھاں چے ھچ امید دارگ نبیت،
شاباش انت یونئٹڈ نیشنز ءَ و آئی ممبراں کہ آھاں دو میان استمانی انسانی حقانی رازی نامہ ءِ سرا امزا کُتگ کہ آں معزوریں چُکانی حقاں رَکین انت ۔ اے دو رازی نامہ چُکانی حقانی ءُ معزوریں مَردُمانی سرا انت، پاکستان ءَ اں دویں رازی نامہ سرا امزا کُتگ انت ءُ مننتگ انت۔
اِدہ اے گپ زروری انت کہ وھدے کہ دویں رازی نامہ امزا بوتگ انت اے زمانگ ءَ پاکستان ءَ ppp ءِ سرکار بوتگ، آہاں اے قدم زرتگ ات بلے ایشانی سرا عمل درامد کنگ سک مایوس کن بوتگ، اِدا آ دگہ گَل یلدیگی نہ انت کہ آںاں رازی نامہ ءِ داتگیں کارانی سرا عمل نَکُتگ۔ اے وڑیں مسلاں ریاست ءِ کار انت کہ جوابدہ ببیت ءُ اے سکیں شرمیئیں گپ ءِ مئے مُلک ءِ آبادی ءِ تہا زھگ گیشتر ڈالچار انت بلِّے کہ کُجام گَل سرکار ءَ انت۔ گون بلائیں رنج ءُ بے اُمیدی ءَ ھاسیں زھگانی مات ءُ پتاں امید داشتگ ات کہ اے رازی نامہ ءَ چے کہ آھاں آسودگ کنت بلے ھچ نبوت۔
اے رازی نامہ ءَ ھاسیں زھگانی حقانی سرا زور داتگ، داں ارٹیکل 23 چُکانی حقانی رازی نامہ ءِ سرا زور دنت کہ ھر ھما زھگ کہ زھنی ھوالہ یا جسمانی ھوالہ کمزور انت آیاں اے حق دئیگی ببیت کہ وتی زندگی ءَ آ دگہ زھگانی پئیما چاگرد ءِ تہا بُگوازین انت۔ ریاست ءِ واستہ اژدری انت کہ آں ھما مردمانی مدد ءَ بکنت کہ آں اے ودابی زھگانی واستہ کار کنگ ءَ انت ءُ ھما چُکانی مات ءُ پتاں دانکہ چُک آسودگ ببنت ءُ آیانی رتبہ آدگہ چُکاں چے کم مبیت-
، CRPD اے ھاسیں زھگانی زرورتانی سرا زور دنت کہ وھدے آں جسمانی رُد انت مزن بنت ۔اے گپ جنت کہ وھدے ھمرائی ءَ اے زھگاناں آسودگی دئیگ ببیت۔ سرکار ءِ کہرا ایشان چہ گیشتر لوٹگ بے وجہ نہ انت، اے ریاست ءِ زمہ واری انت کہ ھمے کارانی سرا تپاسگ بکنت کہ رازی نامہ ءِ تہا نبشت ءَ انت کہ ہما وھدہ امزا کنگ بوتگ انت۔
انگت ءَ باز پئیمی معزوری است انت کہ دنیا ءِ تہا کندگ بنت، علوم پزشکی انگت پٹ ءُ پول کنگ ءَ انت کہ پرچیا اے معزوری است انت۔ اے معزوریاں چے بچگ سک مُشکل انت۔
معزوری دو دابا گیشینگ بنت، لہتیں زھگ شر بوت کن انت وھدے ٹریننگ ءُ سرءُ سوج کنگ ببنت دانکے آں وت وتی دلگوشی ءَ بکن انت ءُ دومی مردم ءِ سرا مکپ انت، بلے لہتیں معزوری است انت کہ آں انچوش انت کہ آں اے پئیما مدد کنگ نہ بنت۔ اے زھگ سک وتی مات ءُ پتانی سرا انت پہ چئیٹگ ءَ، آیانی کہرا ھچ آسراتی نیست پہ اے زھگاں، اے زھگاناں سک مدد ءِ زرورت انت، آسراتی ءُ زری مدد اے۔
من وت انچیں زھگانی مات ءُ پتاں زانا که آں سک زری ءُ مارشتی جنجالانی دیمپاں انت، من ءَ لگّیت کہ دولت ءِ اے پئیمی ڈالچاری چے اے مَردُم تاوان انت، اے ہما مردُم انت کہ ماسومیں جْوان انت کہ آیانی آواز گوشدارگ نبیت، ہمے دابا آں گیشتر جنجال انت -
اگاں ماهره (اسلی نامے نہ انت) ءَ بچاریں کہ منی یک دوست ءِ زھگ انت، کہ ء کَسان بوگ ءِ مسلا بوتگ microcephaly، آئی ءِ دماغ ءِ رُدوم نبوتگ شریں پئیمی ءَ پمیشکہ زہنی ہوالہ ءَ ھراب انت ۔اے دابا آئی ءِ جسمانی کاراں سک اسر زرتگ، آئی ءِ sweat glands ھچ کار نہ کن انت ءُ درد ءِ احساسات چہ جہلی نیمگاں ھلاس انت، آئی ءِ ھچ کنٹرول نیست وتی جسم ءِ سرا۔ ماهرہ سک سنبهالگ لوٹیت وھدے آں آگاہ انت ءُ آئی ءَ سردیں جاه ءِ لوٹیت وھدے آئی ءِ جسم ءِ سردی ءُ گرمیے برابر کنگ ءَ۔
ھما مَردُماں کہ آیاں اے پئیمی چُک رودینتگ انت آں شر زان انت اے چون مُشکل اِنت کہ یک زھگ ئے اے پئیمی ھالت ببیت، یک مات ءِ اے پئیمی مارشتی جنجالانی تہا ببیت سک پریشان بیت۔ ماهره ءِ حاندان ءِ واستہ مَستریں مسلہ برق بوتگ کہ آئی ءِ بِل سک اتک ءَ ، پرچہ کہKE سک برق استمال کن انت.
یک ریاست ءِ چوں مدد کُت کنت اے دابی ہالاتانی تہا؟ یک ءِ پروگرام بکنت کہ BISP احساس انت ھودہ اے دابی چُکانی مدد کنگ ءَ شرو بکنت۔ اگاں گیس ءُ برق ءِ گپ کئیت کہ هئودا چشین زھگ است گڑاں بِل کم کنگ ببنت، نادرا اے کہرا معزورین زھگانی نام است انت ھودا چے چارگ ببنت ءُ مَردمانی تہا زانت پیداگ کنگ بیبیت ھاسیں زھگانی بابت ءَ ۔
اے رب ءِ نیمگءَ سزا اے نہ انت کہ اے زھگانی مات ءُ پتانی سرا اتک ءَ۔ اے گپ چاگرد ءِ ھر نیمگ ءَ سر کنگ بیت
توَسُت ڈان
