نبشتکار: مریم سلیمان
کمیّں دیمرویءَدر بلوچستانءِزالبول انگت چہ برابریءَباز دُور اَنت
میان استمانی زالبولانی روچ زالبولانی روچ سرجمیں پاکستانءَگندگ بوگءَات چہ ھشت مارچءَپیسر بلئے اے رندی بلوچستان پدی نہ اَت منی وٹس گروپ چہ گپءُھالءَپُر اتنت ۔ چندے ءَگوْشت کہ بلوچ زالبول ہما بیکاریں جارانی پدءَ مہ کپ انت چُشکہ زالبول ھک دیگ بہ بنت انچوکہ سالانہ زالبول مارچءَگندگءَاتکگ دگے لہتینءَگوْشت کہ گوستانکءِکسّہ چوںءُ برابری یے شونداتءَکن اَنت ءُ چوں بلوچ ربیدگءُچاگرد ھم سنّت بوتگ انت۔ ءُ ہمے ردءَ گندگءَکئیت کہ چہ گوستانکءَزالبول گیشتر کار ءُ وانگءِریٹ گیشتر بوتگ۔ s
بلئے اے درست وت گلائی اتنت ۔ اے راستے کہ بازیں بلوچ زالبول وانگءَانت ءُ کار جاھاں روگءَانت بلئے اینکسیں آباتی یے تہا اے کسانیں بھرے ۔ ءُ بازیں گیدی کسّہانی تہا زالبولانی سک کم گپ کتگ ءُ آ پابند بوتگ انت کہ چے آوانی واستہ پیسلہ چہ مردینانی نیمگءَکنگ بوتگ۔ ھانی یک نامداریں کردارے یک بلوچی کسّہ ئے ءِ پہ زور آروس کنائینگ بوتگ گوں تمن ءِ سردار میر چاکر خانءَ۔ مھنازءَ کھبگی یے الزام جنئگ بوتگ کہ آ انگت لجّیگ نہ انت سمّل یک آروس کتگیں زالے کہ آئیءَمست توکلی گوشدارگ کپتگ ۔۔۔ کہ آ مرچی یک بلائیں صوفی شاعرے آئیءِمنانکءَابید لچّہ ئِے پر بستگ۔ سمل داں مرگ ہمے نامءَزانگ بوت دانکہ آ مُرت
اگاں انگت اوں کسے جیڑیت کہ بلوچ چاگردءِتہا برابری بوتگ گڈا ما گیش پدمنتگ بوت کنیں ۔ وھدءَگوں چاگرد دیمروی کن اَنت ءُ دیمرو بنت بلئے انچیں چاگرد است انت کہ آ پدمنتگی یے نیمگءَروَنت ءُ تنگ نظر جوڑ بنت۔ آیا بلوچستان ہماوانی تہا یکّے؟
راستی ایش انت کہ اے وٹس گروپانی تہا سئے یا چار زالبول انچیں در کئیت کہ آزاننت چیا اے وڑیں چیز پہ زور آرگ بوگءَانت۔اے یک کسانیں درورے کہ زالبولانی زند چوں گوزگءَ اِنت آ دگے گندگ بوگ ءَ نہ انت
وھدے چندے دیمروی ہیالیں زالبولاں اے داتگ اَت کہ #ما چے واستہ مارچ کنیں میان استمانی زالبولانی روچءَ گڈا بازیں گپءُھبر بوتگ اَت کہ اے مئے راستیں جیڑہ نہ انت اگاں چیز راست زورگ نہ بیت گڈا بیا اِت اسلیں بن گپّءِسرءَ۔ تورناکیں راستی ایش انت کہ مردءُزالبولءِجیڑہ انگت است بلوچستانءَ ءُ اے ردءَ گپءُتران الّمی اِنت۔
پاکستان سوشل اینڈ لیونگ اسٹینڈرڈ میژرمینٹ سروےءِردءَدہ زالبولءُجنکءِہپتءَوانگجاہءَچہدَر اَنت ءُ اے انگت ہمے ھسابءَبرجاہ اِنت
یک ھسابےءِردءَ ہژدہ درسد زالبول تہنا وانگ زاننت ماں بلوچستانءَ۔ہشتادءُ دو درسد نا وانندگ انت ماں سرجمیں مُلکءِتہا۔ اولی وا وانگجاھانی نہ بوگ انت ءُ دومی ربیدگ ستک انت کی جنکانءَ چہ وانگءَداشتگ اِش ءُ ہمے چیزءَآوانی چہ دیمرویءَداشتگ۔
زالبولانی کارءِدرسد 06۔5 انت ماں سرجمیں آباتی یے تہا ءُ اے سرجمیں پاکستان ءِ تہا چو اے وڑا اِنت(خیبز پختونخواءَپانزدہ درسد،پنجاہءُپنچ ماں پنجابءَ،بیست ءُ چار ماں سندھءِتہا)بلوچستان چہ درستاں پشتءَتِر انت۔ ایشی متلب اے نہ انت کہ آ کار نہ کن انت بلئے لوگانی تہا کار کن اَنت ءُ ہچ مز نہ سیت اِش۔
مُز داتگیں کار آوانءَگیش آٹیگ دنت معاشی رنگءَ ءُ چاگردی دیمروی ام بِیت۔بلوچستانءِتہا زالبولانی کارءِدرسد
کُلیں دگنیا ءِتہا کمتر اِنت ءُ زالبولانی ھیسیت چہ سالاں پمیشکہ بدل بوگءَنہ اِنت۔ دہءِتہا شش جنکءُزالبول ءِ آروس بیست سالءَچہ کم عمرءَبِیت۔اے پاکستان ءِ درستیں صوبہ آں چہ ادءَگیشتر انت لہتیں زانوگرانی ردءَ زوتیں آروسءِآسرال ناوانندگی،بزّگی ءُ نیزگاری ءُ روایتانی دارگءِواستہ انت ءُاے درست بلوچستانءِتہا است انت ایشی درسد پنجاہ ءُ شش انت کہ بیست سالءَچہ کم ءِ عمر ءَ آروس دیگ بنت ءُ بچکانی درسد نوہ اِنت۔
زھگانی آروس پنجابءُسندھءَجُرم انت ۔ دوھزار ہژدہءَصوبائی ھکومتءِدستءِچیرءَ، کانود جوڑ کنوک ڈاکٹر شمع اسھاک،یک بلّے پیش کُتگ ات کہ اے چیز بلوچستان ءَ ام بہ بیت بئے لہتیں مردءِنیمگءَایرادءِآماچ بوُت ءُ ہچ عمل نہ بوت۔انّوگیں زالبول باسکاں اسمبلی ءِ تہا ہمے گوشتگ کہ اے بل انگت چم ءِ چیرءَ انت بلئے تنگ نظریں گلانی وجہءَدیمءَآرگ بوگءَ نہ انت
اگان صوبائی اسمبلی یے تہا زالبولانی بھر چارگ بہ بیت گڈا نا امیتی گندگءَکئیت۔ گوستگیں رندءَگیشتر ات بلئے انگت بیست درسدءَجھل اِنت۔ءُ دوھزار ہژدہ ءِ گچینکاری ءَ اے درسد شانزدہءَاتک ۔ شستءُپنچءِتہا یازدہ باسک تہنا زالبول اَنت۔ یک اوں سوبمندیں زالبول نیست ءُ صوبائی اگدھانی تہا یک مردمے ام نیست۔ پمیشکہ زالبولانی جیڑہ گیشتر تران کنگ نہ بنت یا پشتءَدور دیگ بنت۔
اے جیڑہ بلوچستانءِزالبولانی زندگیءَگیشتر تنگ کُت کنت
10000 ءِ تہا 785 زالبول لاپ چُک پیدا کنگءِوھدءَمرگءِآماچ بنت اگاں پاکستانءَبچارءِگڈا 272 انت۔۔زالبولانءَبلوچستانءِتہا سک کم مشورہ سازی ءُ چُک پیداک کنگءِبابتءَجُست کنگ بیت۔ بازیں زالبول بے ڈاکٹرءِموجودگیءَچک پیداک کن انت یا کہ دینبوئےءِدستاں چُکّ ودی کن انت۔ءُ چک پیداک کنگءِوھدءَزالبولانی مرگءِھاسیں رپورٹ نیست ماں پاکستانءَ۔زالبولانی جان سلامتی ءِ واستہ ہچ وڑیں آسراتی نیست ءُ مزن شھر ءَ ام ماتانی مرگءِکم کنگءِواستہ ہچ وڑیں گامگیج گندگءَنئیت۔
سالے یک ہزار زالبول ننگءِنام ءَ کوْشگ بنت پاکستانءِتہا وتی کٹم ءِ بنام کنگءِواستہ ءُ دگنیا ءَ ایشی ءِ درسد بیست جوڑ بیت۔دوھزار ہژدہءَپنجاہ مردم ننگءِنامءَکوْشگ بوتگ ایشانی تہا سی زالبول بوتگ انت۔ بلئے اے انگت کم انت چیا کہ سک کم جیڑہ اے ردءَگندگءَکاینت بلوچستانءِتہا۔ راستی ایش انت کہ اے چیزءِمنّگءَکس تیار نہ انت بلئے کرناں چہ اے روایت برجاہءُپیداک انت۔ ءُ اے چیز انگت مزنیں ھدّےءَبوگءَانت
سوشل میڈیا ءِ کوکار ءُ صوبائی اسمبلی یے تران بوتگ انت بلئے اے چیز انگت برجاہ انت ءُ بلوچستانءِزالبولانی یک تورناکیں جاورے پیش داریت۔ زالبولانی واستہ بازیں کینگءُبُگز است انت چاگردءِتہا بلئے اے راستی ءِ منّگءَکس تیار نہ اِنت
پبلشد بوتگ: ڈی ڈپلومیٹمارچ 10، 2022
ای آزمانک چه نبشتاکارۓ اجازها پبلش کنگ بوتگ.
